فرمان الہی
نماز کے اوقات
چیئرمین مہاجر قومی موومنٹ (ایم کیو ایم۔حقیقی) آفاق احمد کو گرفتار کرلیا گیا۔
پولیس ذرائع کے مطابق آفاق احمد کو اشتعال انگیز بیان پر گرفتار کیا گیا ہے۔
ترجمان مہاجر قومی موومنٹ کا کہنا ہے کہ آفاق احمد کو ڈیفنس میں واقع ان کے گھر سے گرفتار کیا گیا، انہیں کہاں لے کر گئے اب تک کچھ نہیں بتایا گیا۔
پولیس ذرائع کا کہنا ہے کہ آفاق احمد کو فیروز آباد تھانے منتقل کیا گیا ہے، تاہم حفاظتی انتظامات کے پیش نظر انہیں تھانے سے کہیں اور منتقل کیا جاسکتا ہے۔
اس سے قبل پریس کانفرنس میں آفاق احمد نے مطالبہ کیا تھا کہ شہر میں ٹریفک حادثات کے خلاف احتجاج پر گرفتار افراد کو فوری طور پر رہا کیا جائے۔
انہوں نے مزید کہا کہ دن کے اوقات میں واٹر ٹینکرز، ڈمپر اور ہیوی ٹریفک کو شہر میں چلنے سے روکا جائے۔
اس دوران چیئرمین ایم کیو ایم حقیقی نے عوام سے اپیل کی کہ وہ احتجاج ضرور کریں لیکن ٹرکوں کو آگ نہ لگائیں اور نہ ہی ڈرائیورز پر تشدد کریں۔
