فرمان الہی
نماز کے اوقات
پاکستانی فاسٹ بالر نسیم شاہ کے بھارتی ہم شکل نے سوشل میڈیا صارفین کی توجہ حاصل کر لی۔
بحث و مباحثے کی امریکی ویب سائٹ ریڈیٹ پر ایک صارف کی جانب سے بھارتی یوٹیوب شو ’انڈیا گاٹ لیٹنٹ‘ سے متعلق تنازع پر ویڈیو شیئر کی گئی۔
اس ویڈیو میں ایک شخص انڈیا گاٹ لیٹنٹ پر عائد پابندی کے حوالے سے اپنے خیالات کا اظہار کر رہا تھا۔
مذکورہ شخص متعلقہ افراد کو یہ کہتے ہوئے شدید تنقید کا نشانہ بنا رہا کہ بھارت میں اور بھی بہت سے مسائل ہیں جو حکومت کی توجہ کے منتظر ہیں لیکن حکومت ان مسائل کو چھوڑ کر انڈیا گاٹ لیٹنٹ پر پابندی عائد کرنے میں زیادہ دلچسپی لے رہی ہے۔
سوشل میڈیا پر مذکورہ ویڈیو نے منظرِ عام پر آتے ہی صارفین کی توجہ اپنی جانب مبذول کروا لی۔
صارفین مذکورہ شخص کے خیالات و باتوں سے زیادہ اس کے چہرے پر توجہ دے رہے ہیں، جو پاکستانی بالر نسیم شاہ سے حیرت انگیز مشابہت رکھتا ہے۔
مذکورہ ویڈیو منظرِ عام پر آتے ہی صارفین اس کشمکش میں مبتلا ہو گئے کہ پاکستانی فاسٹ بالر بھارتی تنازع پر بات کیوں کر رہے ہیں؟
ایک صارف نے ویڈیو میں موجود شخص کو نسیم شاہ سمجھ کر لکھا کہ بھارت کے تنازعات میں نہ پڑیں اور اپنی کرکٹ پر توجہ دیں جبکہ ایک اور صارف نے سوال پوچھا کہ کیا یہ شخص نسیم شاہ کا گمشدہ بھائی ہے؟
