فرمان الہی
نماز کے اوقات
لاہور ہائی کورٹ نے مبینہ انسانی اسمگلر کے اہلِ خانہ کو ہراساں کرنے کے خلاف درخواست نمٹا دی۔
چیف جسٹس لاہور ہائی کورٹ جسٹس عالیہ نیلم نے شہری نصر کی درخواست پر سماعت کی۔
دورانِ سماعت جسٹس عالیہ نیلم نے ریمارکس دیے کہ اپنے بیٹے سے خرچ بھی لیں اور کہیں کہ عاق کر دیا ہے ایسا نہیں ہوتا، شرع میں بھی بیٹا بیٹا ہی رہتا ہے، کارروائی قانون کے مطابق ہو گی۔
عدالت نے ایف آئی اے کو قانون کے مطابق کارروائی جاری رکھنے کا حکم دے دیا۔
درخواست گزار نے مؤقف اپنایا تھا کہ بیٹے کو عاق کرنے کے باوجود ایف آئی اے کی جانب سے گھر پر چھاپے مار کر ہراساں کیا جا رہا ہے۔
سرکاری وکیل نے عدالت کو بتایا تھا کہ درخواست گزار بیٹے سے مسلسل رابطے میں ہے۔
