فرمان الہی
نماز کے اوقات
معروف امریکی گلوکارہ ٹیلر سوئفٹ نے ایک اور اہم اعزاز کا تاج اپنے سر پر سجا لیا۔
ٹیلر سوئفٹ کو انٹرنیشنل فیڈریشن آف دی فونوگرافک انڈسٹری (IFPI) نے 2024ء کے لیے پانچویں بار گلوبل ریکارڈنگ آرٹسٹ آف دی ایئر کے اعزاز سے نواز دیا۔
ان کی البم The Tortured Poets Department نے عالمی سطح پر نمایاں کامیابیاں حاصل کیں، ٹاپ فور چارٹس میں گلوبل البم، گلوبل ونائل البم، گلوبل اسٹریمنگ البم اور گلوبل البم سیلز سرِفہرست رہیں۔
اس البم کی 5.6 ملین کاپیاں فروخت ہوئیں، جو کہ 2024ء کے گلوبل البم سیلز چارٹ میں سب سے زیادہ ہیں۔
اس کے علاوہ ٹیلر سوئفٹ کا Eras ٹور 1 ارب ڈالرز سے زائد کی آمدنی کے ساتھ ریکارڈ توڑ چکا ہے، جس نے ان کے پچھلے البمز کی مقبولیت میں بھی اضافہ کیا ہے۔
IFPI کی چیف ایگزیکٹیو وکٹوریہ اوکلی نے کہا ہے کہ یہ سال ٹیلر کے لیے شاندار رہا ہے، جو ایک مرتبہ پھر اپنے غیر معمولی فن اور محنت کی بدولت عالمی سطح پر چھا گئیں۔
ٹیلر سوئفٹ کو پہلی بار 2014ء میں یہ اعزاز ملا تھا اور اس کے بعد 2019ء، 2022 ء اور 2023ء میں بھی انہیں اس اعزاز سے نوازا گیا تھا۔
ایوارڈز کی 12 سالہ تاریخ میں کسی بھی فنکار کے یہ سب سے زیادہ ایوارڈز ہیں۔
