فرمان الہی
نماز کے اوقات
معروف ڈائریکٹر وجاہت رؤف کی اہلیہ پروڈیوسر شازیہ وجاہت نے اداکارہ کبریٰ خان اور اداکار گوہر رشید کی شادی میں یاسر حسین کے ساتھ ڈانس کیا، جس کی ویڈیو سوشل میڈیا پر وائرل ہوگئی ہے۔
پاکستانی اداکارہ کبریٰ خان اور گوہر رشید نے حال ہی میں مکہ مکرمہ میں نکاح کے بعد اپنی شادی کی تقریبات کا آغاز پاکستان میں کیا ہے۔
گزشتہ دنوں ان کی شیندی کی تقریب منعقد ہوئی، جس میں شوبز انڈسٹری کے متعدد ستاروں نے شرکت کی۔
تقریب میں معروف ڈائریکٹر وجاہت رؤف اور ان کی اہلیہ شازیہ وجاہت بھی موجود تھیں، شازیہ وجاہت نے شیندی کی تقریب میں ڈانس فلور پر آکر زبردست انداز میں ڈانس کرکے سب کو حیران کردیا۔
فوٹوز اینڈ ویڈیوز شیئرنگ ایپ انسٹاگرام اکاؤنٹ پر شازیہ وجاہت نے اپنے ڈانس کی ویڈیو شیئر کی۔ جس کے کیپشن میں شازیہ وجاہت نے لکھا کہ ’اپنے لائف پارٹنر وجاہت رؤف اور ہمیشہ کے ڈانس پارٹنر یاسر حسین کے ساتھ۔‘
شازیہ وجاہت نے مزید کہا کہ ہماری دعائیں اداکارہ کبریٰ خان اور گوہر رشید کے ساتھ ہیں۔
سوشل میڈیا پر صارفین کی جانب سے شازیہ کے ڈانس کو کافی پسند کیا جارہا ہے اور ویڈیو پر دلچسپ تبصروں کا سلسلہ بھی جاری ہے۔
