فرمان الہی
نماز کے اوقات
بڑھتی عمر کے اثرات جن میں جلد پر پڑنے والی جھریاں اور بالوں کی سفیدی کو روکنے کے حوالے سے سائنسدانوں کو اہم کامیابی ملی ہے۔
اس حوالے سے جرمن محققین کی ٹیم کا گمان ہے کہ انہوں نے ایک ایسے علاج کا پتہ لگایا جس سے بڑھتی عمر کے اثرات جیسے جھریوں اور بالوں کی سفیدی کو ختم تو نہیں البتہ انہیں روکا جاسکے گا۔
امکان ظاہر کیا جارہا ہے کہ یہ پیش رفت ہارمونز کو ہدف بنائے گا، جو جسم میں قدرتی طور پر ہونے والی تبدیلیوں کے محرک کیمیکلز کو نشانہ بنائیں گے۔
جرمن محققین کی ٹیم نے ہارمونز پر تحقیق کی جن کے بارے میں ان کا خیال ہے کہ یہ جلد کی بڑھتی عمر کو کنٹرول کرنے میں اہم کردار ادا کرتے ہیں اور اس میں انسولین نما گروتھ فیکٹر 1، اویسٹروجین، ریٹینوائڈز اور میلاٹونن شامل ہیں۔
بتایا جاتا ہے کہ اس ٹیم نے بڑھتی عمر میں جلد کی شفافیت کو برقرار رکھنے اور اسے کنٹرول کرنے میں ہارمونز کے کردار کو بہتر طور پر سمجھنے کےلیے گہرائی کے ساتھ تحقیق کی۔
میلاٹونن، قدرتی طور پر پیدا ہونے والا ہارمون جو نیند کو منظم کرنے میں اہم کردار ادا کرتا ہے، نیند کے مسائل کے علاج کےلیے اکثر ادویات استعمال کی جاتی ہیں۔
محققین کا خیال ہے کہ اس میں بڑھاپے کے خلاف اہم خصوصیات بھی ہو سکتی ہیں، جیسے میلاٹونین جب خون میں داخل ہوتا ہے تو اس کے اینٹی آکسیڈنٹ اثرات خلیوں کو نقصان سے بچانے میں مدد کرتے ہیں جو بنیادی طور پر بڑھتی عمر کے عمل کے خلاف کام کرتے ہیں۔ ٹیم کے مطابق دیگر ہارمونز بھی اس سلسلے میں اہم ہیں۔
