فرمان الہی
نماز کے اوقات
وزارتِ خزانہ نے ماہانہ معاشی آؤٹ لک رپورٹ جاری کر دی، جس میں بتایا گیا ہے کہ 7 ماہ میں مہنگائی کی شرح 28.7 فیصد سے کم ہو کر 6.5 فیصد پر آ گئی ہے۔
رواں مالی سال کے 7 ماہ میں ترسیلاتِ زر، برآمدات اور درآمدات میں اضافہ ریکارڈ ہوا، کرنٹ اکاؤنٹ خسارہ سر پلس رہا اور بیرونی سرمایہ کاری میں اضافہ ریکارڈ ہوا۔
رپورٹ کے مطابق اسٹیٹ بینک کے ذخائر میں اضافہ ہوا اور روپے کی قدر مستحکم ہوئی، جولائی تا جنوری ترسیلاتِ زر میں 25.2 فیصد کا اضافہ ہوا۔
برآمدات میں 7 ماہ میں 9.7 فیصد کا اضافہ ہوا، درآمدات میں بھی 7 ماہ میں 16.8 فیصد کا اضافہ ریکارڈ ہوا۔
کرنٹ اکاؤنٹ خسارہ جولائی تا جنوری 68 کروڑ ڈالرز سے زیادہ سر پلس رہا، اسٹیٹ بینک کے ذخائر 8 ارب ڈالرز سے بڑھ کر 11 ارب 20 کروڑ ڈالرز سے زیادہ رہے۔
ایف بی آر محصولات میں جولائی تا دسمبر 26.2 فیصد کا اضافہ ہوا، جولائی تا دسمبر نان ٹیکس آمدنی میں 82 فیصد کا اضافہ ہوا، مالی خسارے میں جولائی تا دسمبر 36.1 فیصد کی کمی ہوئی۔
جنوری 2025ء میں بیرونِ ملک ملازمت کے لیے 63 ہزار سے زیادہ پاکستانی گئے۔
