فرمان الہی
نماز کے اوقات
آئی سی سی چیمپئنز ٹرافی 2025ء کا فائنل بس چند دنوں کی دوری پر ہے۔
اس سے پہلے 4 ٹیمیں آسٹریلیا اور بھارت، نیوزی لینڈ اور جنوبی افریقا سیمی فائنل میں آمنے سامنے ہوں گی۔
’جیو نیوز‘ کے پروگرام ’ہارنا منع ہے‘ ہے میں میزبان تابش ہاشمی، راشد لطیف اور محمد عامر نے فائنل ٹیموں سے متعلق پیشگوئی کی ہے۔
حال ہی میں ’جیو نیوز‘ کے پروگرام ’ہارنا منع ہے‘ کے پسِ پردہ مناظر سوشل میڈیا پر شیئر کیے گئے، جن میں فائنل ٹیموں سے متعلق سوالات کیے گئے۔
پاکستان کرکٹ ٹیم کے سابق کپتان راشد لطیف نے پیشگوئی کرتے ہوئے کہا کہ فائنل بھارت اور جنوبی افریقا کے درمیان کھیلا جائے گا جبکہ چیمپئنز ٹرافی بھارتی ٹیم گھر لے کر جائے گی۔
تابش ہاشمی نے آسٹریلیا کا انتخاب کیا اور کہا کہ چیمپئنز ٹرافی کا فائنل آسٹریلیا اور نیوزی لینڈ کے درمیان کھیلا جائے گا جبکہ فاسٹ بالر محمد عامر نے نیوزی لینڈ کو فیورٹ قرار دیا اور کہا کہ نیوزی لینڈ کی ٹیم بھارت کو شکست دے کر چیمپئنز ٹرافی اُٹھائے گی۔
واضح رہے کہ چیمپئنز ٹرافی 2025ء کا پہلا سیمی فائنل آج آسٹریلیا اور بھارت کے درمیان دبئی میں ہو رہا ہے جبکہ دوسرا سیمی فائنل نیوزی لینڈ اور جنوبی افریقا کے درمیان کل کھیلا جائے گا اور فائنل اتوار کو ہو گا۔
