فرمان الہی
نماز کے اوقات
وفاقی وزیر اطلاعات و نشریات عطا تارڑ نے کہا ہے کہ فیصل واوڈا نے سنسنی پیدا کی، کوئی 60 ارب کی کرپشن نہیں ہوئی ہے۔
جیو نیوز کے پروگرام کیپٹل ٹاک میں گفتگو کے دوران عطا تارڑ نے کہا کہ حکومت کے ایک سال مکمل ہونے پر الزام تراشی کی گئی ہے۔
انہوں نے کہا کہ وزیر کے پاس تو پیسا آیا ہی نہیں زمین سے متعلق بورڈ نے فیصلہ کیا، فیصل واوڈا نے سنسنی پیدا کی کوئی 60 ارب روپے کی کرپشن نہیں۔
وفاقی وزیر نے مزید کہا کہ کیا ہی اچھا ہوتا فیصل واوڈا ذکر کردیتے وہ چیئرمین ان کے دور حکومت میں لگایا گیا تھا۔
اُن کا کہنا تھا کہ پورٹ قاسم اتھارٹی کی زمین کا معاملہ 2005 سے چلا آرہا ہے، پورٹ قاسم اتھارٹی کا بورڈ اپنے فیصلے کرنے میں بااختیار ہے۔
عطا تارڑ نے یہ بھی کہا کہ کمیٹی کے اجلاس میں ہروفاقی وزیر کو تیاری کے ساتھ جانا چاہیے۔
