فرمان الہی
نماز کے اوقات
اسپیشل اولمپکس ورلڈ ونٹر گیمز میں شرکت کےلیے لاہور کا دستہ ابوظبی کے لیے روانہ ہوگیا، اسلام آباد اور کراچی سے بھی کھلاڑی اور آفیشلز ابوظبی میں اکٹھے ہوں گے جہاں سے وہ اٹلی روانہ ہوں گے۔
اسپیشل اولمپکس پاکستان کا 25 رکنی دستہ 8 مارچ سے ٹیورین اٹلی میں شروع ہونے والے اسپیشل اولمپکس ورلڈ ونٹر گیمز میں شرکت کرے گا، 15 مارچ تک جاری رہنے والے گیمز کےلیے قومی دستے میں کھلاڑی، کوچز، آفیشلز، طبی عملہ اور ینگ گلوبل لیڈرز شامل ہیں۔
پاکستان کے کھلاڑی اسنو شوئنگ اور کراس کنٹری اسکیئنگ کے مقابلوں میں حصہ لیں گے۔ گیمز میں 93 سے زائد ممالک کے 15 سو سے زائد مرد اور خواتین ایتھلیٹس شرکت کریں گے جبکہ 2 ہزار کے لگ بھگ رضا کار ان کی معاونت کریں گے۔
اسپیشل اولمپکس پاکستان کے کوچ عرفان علی کا کہنا ہے کہ گیمز کےلیے دو سال سے تیاری کر رہے ہیں، اُمید ہے کہ ورلڈ ونٹر گیمز میں پاکستان کے دستے کی کارکردگی اچھی ہوگی۔
