• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستان میں دہشت گردی واقعات میں 45 فیصد اضافہ، رپورٹ

آج کا اخبار
ملک بھر سے
07 مارچ ، 2025
اسلام آباد ( طاہر خلیل ) گزشتہ سال پاکستان میں دہشت گردی کے واقعات میں 45فیصد اضافہ ہوا، دہشت گرد حملوں میں اموات کی تعداد 1081 تک پہنچ گئیں۔انسٹیٹیوٹ آف اکنامکس اینڈ پیس کی جاری رپورٹ کے مطابق پاکستان عالمی دہشتگردی انڈیکس 2025میں دوسرے نمبر پر آ گیا ہے، کالعدم تحریک طالبان پاکستان ملک میں تیزی سے بڑھنے والی سب سے خطرناک دہشت گرد تنظیم کے طور پر سامنے آئی ہے، جو 2024میں پاکستان میں 52 فیصد ہلاکتوں کی ذمہ دار تھی۔ملک میں 2023 میں 517حملے رپورٹ ہوئے تھے جو 2024میں بڑھ کر 1099تک جا پہنچے۔گزشتہ سال ٹی ٹی پی نے 482 حملے کیے جن میں 558 افراد جاں بحق ہوئے جو 2023کے مقابلے میں 91فیصد زیادہ ہے۔ افغانستان میں طالبان کے دوبارہ اقتدار میں آنے کے بعد دہشت گردوں کو سرحد پار محفوظ پناہ گاہیں مل گئی ہیں جس کی وجہ سے پاکستان خصوصا خیبر پختونخوا اور بلوچستان میں حملے تیزی سے بڑھے ہیں۔
ملک بھر سے سے مزید