فرمان الہی
نماز کے اوقات
مقبوضہ بیت المقدس کی مشہور کتابوں کی دکان ’دی ایجوکیشنل بک شاپ‘ پر اسرائیلی پولیس نے چھاپہ مار کر مالک عماد منی کو گرفتار کر لیا۔
اسرائیلی میڈیا کے مطابق یہ کارروائی بغیر کسی وارنٹ کے کی گئی جس کی انسانی حقوق کی تنظیموں نے سخت مذمت کی ہے۔
اسرائیل کی انسانی حقوق کی تنظیموں نے اس کارروائی کو غیر منصفانہ قرار دیتے ہوئے کہا ہے کہ یہ آزادیٔ اظہار اور کتابوں تک رسائی پر حملہ ہے۔
اسرائیلی پولیس نے کارروائی کے دوران برطانوی آرٹسٹ بینکسی، نوآم چومسکی اور ایلان پاپه سمیت مشہور مصنفین کی کتابیں ضبط کر لیں اور دکان کو سیل کرنے کا حکم جاری کیا۔
مشرقی بیت المقدس میں قائم یہ بک شاپ اسرائیل فلسطین تنازع اور یروشلم کی تاریخ پر منفرد مواد فراہم کرنے کے لیے مشہور ہے۔
اسرائیلی پولیس کا دعویٰ ہے کہ چھاپہ کتابی مواد کی جانچ کے لیے مارا گیا جو مبینہ طور پر امنِ عامہ میں خلل ڈال رہا تھا تاہم مالک نے ان الزامات کو مسترد کر دیا۔
مالک عماد منی نے اسرائیلی میڈیا کو بتایا کہ پچھلے ماہ بھی ان کے بیٹے اور نواسے کو گرفتار کیا گیا تھا اور کئی دن بغیر کسی قانونی اجازت نامے کے حراست میں رکھا گیا۔
اُنہوں نے بتایا کہ ضبط کی گئی کتابیں اسرائیل کی نیشنل لائبریری میں بھی موجود ہیں۔
مالک عماد منی نے کہا کہ اگر اسرائیل کتابوں پر پابندی لگانا چاہتا ہے تو اسے ایک فہرست شائع کرنی چاہیے کہ کون سی کتابیں جائز اور کون سی ممنوع ہیں۔
