فرمان الہی
نماز کے اوقات
اسپورٹس بورڈ پنجاب میں خاتون ملازمہ سے ہراسانی کے معاملے پر 3 ملازمین کو نوکری سے نکال دیا گیا ہے جبکہ ایک ملازم کو 20 ہزار روپے جرمانہ کیا گیا ہے۔
اسپورٹس بورڈ پنجاب میں ایک خاتون ملازمہ نے کچھ ماہ قبل چند ملازمین کے خلاف ہراساں کرنے پر درخواست دی تھی جس پر محکمہ نے ڈائریکٹر ایڈمن کی سربراہی میں تین رکنی انکوائری کمیٹی تشکیل دی تھی۔
اس کمیٹی نے انکوائری کے بعد اپنی رپورٹ سیکریٹری اسپورٹس کو دی، انکوائری کمیٹی کی تجاویز پر سیکریٹری اسپورٹس نے دوباہ انکوائری کی جس کے بعد سیکریٹری اسپورٹس نے ملازمین کو فارغ کرنے کا فیصلہ کیا۔
اسپورٹس بورڈ پنجاب کا کہنا ہے کہ خاتون ملازمہ کی درخواست پر انکوائری کمیٹی تشکیل دی گئی تھی، ملازمین کو پہلے معطل کیا گیا اور ثبوتوں کی روشنی میں نوکری سے برخاست کیا گیا ہے۔
ملازم مبشر، احسان بھٹی اور محمد عزیر کو نوکری سے فارغ اور میاں شاہد کو 20 ہزار روپے جرمانہ کیا گیا۔
