فرمان الہی
نماز کے اوقات
ایشین گیمز کے سلور میڈلسٹ اور ساؤتھ ایشین گیمز کے بہترین باکسر قرار پانے والے اولمپیئن بابر علی خان گردوں کے عارضے کی وجہ سے شدید علیل ہیں۔
مالی وسائل علاج کی راہ میں رکاوٹ بن گئے، بابر علی خان کے اہل خانہ نے قومی ہیرو کا علاج کروانے کی اپیل کی ہے۔
باکسنگ رنگ میں اپنے مکوں سے تابڑ توڑ حملے کرنے والے 62 سالہ باکسر بابر علی خان کو گردوں کے عارضے نے اسپتال کے بستر تک محدود کردیا۔
بابر علی خان نے دہلی کے 1982ء ایشین گیمز میں سلور میڈل جیتا لاس اینجلس اولمپکس 1984ء میں پاکستان کی نمائندگی کی جبکہ ساؤتھ ایشین گیمز 1985 کے بہتر باکسر قرار پائے۔
اولمپیئن بابر علی خان کے بیٹے شاہ دین نے اپیل کی ہے کہ ان کے والد نے ڈھیروں میڈلز جیتے ہیں باکسنگ کے اس ہیرو کا خیال رکھنے کی ضرورت ہے۔
ملک کے لیے خدمات انجام دینے والے اولمپیئن باکسر بابر علی خان جیسے گمنامی کی زندگی بسر کرنے والے کئی ایک کھلاڑی حکومتی توجہ کے طلبگار ہیں۔
