فرمان الہی
نماز کے اوقات
ڈچز آف سسیکس میگھن مارکل اور ڈیوک آف سسیکس شہزادہ ہیری کو اگر امریکا سے ڈی پورٹ کر دیا گیا تو وہ برطانیہ واپس نہیں جائیں گے۔
یاد رہے کہ امریکا میں مقیم میگھن مارکل نے انسٹاگرام پر اپنی نئی پوڈ کاسٹ ’Confessions of a Female Founder‘ کا اعلان کیا ہے۔
دوسری جانب غیر ملکی میڈیا رپورٹس کے مطابق میگھن مارکل اور پرنس ہیری کی جانب سے فیصلہ کیا گیا ہے کہ اگر انہیں امریکا کے نئے ویزا رولز کے تحت ملک بدر کر دیا گیا تو یہ جوڑا برطانیہ واپس نہیں جائے گا۔
یہ دعویٰ شاہی ماہر رچرڈ فٹز ویلیمز نے ’جی بی نیوز‘ سے گفتگو کے دوران کیا ہے۔
شاہی خاندان کے امور کے ماہر نے پرنس ہیری اور میگھن سے متعلق اپنے بیان میں کہا ہے کہ ایسی صورتِ حال میں جب ہیری کو ملک بدر کر دیا گیا تو ضروری نہیں کہ وہ برطانیہ واپس آئیں گے۔
رچرڈ فٹز ویلیمز نے دعویٰ کیا ہے کہ پرنس ہیری کینیڈا جا سکتے ہیں جہاں وہ امریکا میں منتقل ہونے سے قبل رہائش پزیر تھے، یا وہ پرتگال جا سکتے ہیں جہاں ان کا چھٹیوں گزارنے کے لیے مخصوص گھر ہے۔
انہوں نے کہا ہے کہ ظاہر ہے کہ شاہی خاندان کی جانب سے برطانیہ میں سسیکس جوڑے کو قبول نہیں کیا جائے گا اور یہ جوڑا بھی برطانیہ نہیں جانا چاہے گا۔
واضح رہے کہ شاہی خاندان کے ماہر کا یہ بیان میگھن مارکل کی نئی پوڈ کاسٹ کے اعلان کے 2 دن بعد آیا ہے۔
یاد رہے کہ میگھن مارکل کی نئی پوڈکاسٹ کی پہلی قسط 8 اپریل کو ریلیز کی جائے گی۔
