• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

امریکا نے جنوبی افریقی سفیر کو ملک بدر کر دیا

جنوبی افریقی سفیر ابراہیم رسول —تصویر بشکریہ غیر ملکی میڈیا
جنوبی افریقی سفیر ابراہیم رسول —تصویر بشکریہ غیر ملکی میڈیا 

امریکا نے جنوبی افریقا کے سفیر کو ملک بدر کر دیا۔

غیر ملکی خبر ایجنسی کے مطابق امریکا نے جنوبی افریقا کے سفیر کو صدر ٹرمپ سے نفرت کی بنیاد پر ملک بدر کیا ہے۔

امریکی وزیرِ خارجہ مارکو روبیو نے الزام عائد کیا ہے کہ جنوبی افریقی سفیر ابراہیم رسول امریکا اور صدر ٹرمپ سے نفرت کرتے ہیں۔

جنوبی افریقا کے صدر نے امریکی اقدام پر ردِعمل ظاہر کرتے ہوئے اسے افسوس ناک قرار دیا ہے۔

جنوبی افریقی حکومت نے سفارتی آداب کو برقرار رکھنے پر زور دیتے ہوئے کہا ہے کہ ہم امریکا کے ساتھ تعمیری تعلقات رکھنا چاہتے ہیں۔

واضح رہے کہ اس سے قبل ٹرمپ انتظامیہ نے جنوبی افریقا کی امداد معطل کر دی تھی۔

میڈیا رپورٹس کے مطابق امریکا نے ایک متنازع قانون کی بنیاد پر جنوبی افریقا کی امداد معطل کی تھی، جس کے تحت مبینہ طور پر سفید فام کسانوں کی زمینیں ضبط کی جا سکتی ہیں۔

بین الاقوامی خبریں سے مزید