فرمان الہی
نماز کے اوقات
ناسا نے تصدیق کی ہے کہ گزشتہ برس جون سے خلاء میں پھنسے ہوئے خلاء بازوں کو ریسکیو کر لیا گیا ہے، اب ان کی واپسی کا سفر شروع ہو گیا ہے۔
اسپیس ایکس کا ڈریگن کیپسول جو ناسا کے کریو- 10 مشن کو انجام دے رہا ہے، 15 مارچ کو لانچ ہونے کے بعد 29 گھنٹوں کا سفر مکمل کر کے گزشتہ روز پاکستانی وقت کے مطابق صبح 9 بجے بین الاقوامی خلائی اسٹیشن (آئی ایس ایس) پہنچ گیا ہے۔
ناسا کے کریو-10 مشن کے تحت 4 خلاء بازوں کو آئی ایس ایس بھیجا گیا ہے جو خلاء میں پھنسے 58 سالہ سنیتا ولیمز اور 62 سالہ بوچ ولمور کو بحفاظت واپس زمین پر لائیں گے۔
کریو-10 مشن کے تحت جن 4 خلاء بازوں کو آئی ایس ایس بھیجا گیا ہے ان میں ناسا کے این میک کلین اور نکول آئرس، جاپان کے تاکویا اونیشی اور روس کے کریل پیسکوف شامل ہیں۔
ناسا نے تصدیق کی ہے کہ اسپیس ایکس کا ڈریگن کیپسول خلاء میں پھنسے ہوئے خلاء بازوں سنیتا ولیمز اور بوچ ولمور کو 19 مارچ کو زمین پر واپس لے کر آئے گا، جو اسٹار لائنر خلائی جہاز میں تکنیکی خرابی کی وجہ سے گزشتہ ساڑھے 9 ماہ سے خلاء میں پھنسے ہوئے ہیں۔
