فرمان الہی
نماز کے اوقات
گزشتہ برس جون سے خلاء میں پھنسے ہوئے خلاء بازوں کو واپس لانے کے لیے اسپیس ایکس نے ناسا کے کریو- 10 کو لانچ کر دیا۔
غیر ملکی میڈیا رپورٹس کے مطابق بین الاقوامی خلائی اسٹیشن (آئی ایس ایس) میں سوار 58 سالہ سنیتا ولیمز اور 62 سالہ بوچ ولمور کو واپس لانے کے لیے ناسا کے کریو-10 مشن کے تحت 4 خلاء بازوں کو آئی ایس ایس بھیج دیا گیا ہے۔
ناسا کے کریو-10 مشن کو پاکستانی وقت کے مطابق آج صبح 4 بجے آئی ایس ایس بھیجا گیا ہے، جس کا مقصد گزشتہ 9 ماہ سے خلاء میں موجود 2 خلاء بازوں کو بحفاظت واپس لانا ہے۔
ناسا کے کریو-10 مشن کے تحت جن 4 خلاء بازوں کو آئی ایس ایس بھیجا گیا ہے ان میں ناسا کے این میک کلین اور نکول آئرس، جاپان کے تاکویا اونیشی اور روس کے کریل پیسکوف شامل ہیں۔
میڈیا رپورٹس کے مطابق ابتدائی طور پر ناسا کے کریو-10 مشن کو 12 مارچ کو لانچ ہو کر 19 مارچ کو زمین پر واپس آنا تھا تاہم تاخیر کے بعد اس مشن کو آج لانچ کیا گیا ہے۔
واضح رہے کہ دونوں خلاء باز صرف 8 دنوں کے لیے خلاء میں گئے تھے تاہم دونوں خلاء باز اسٹار لائنر میں تکنیکی خرابی کی وجہ سے جون سے خلاء میں پھنسے ہوئے ہیں۔
