بہاولپور(سٹی رپورٹر) بہاولپور ویسٹ مینجمنٹ کمپنی کی جانب سے ہفتہ صفائی کے سلسہ میں نیو سبزی منڈی میں صفائی آپریشن کا اہتمام کیا گیا۔صفائی آپریشن کے دوران سبزی منڈی اور اس کے اطراف میں موجود کوڑاکرکٹ کے ڈھیر مکمل طور پر صاف کرکے شہر سے باہر ڈمپ کئے گئے۔بعد ازاں بی ڈبلیو ایم سی کے اسسٹنٹ منیجرکمیونیکیشن سید احسن رضا کی زیر نگرانی سبزی منڈی دکانداروں اور صارفین میں صفائی سے متعلق شعور و آگاہی کے لئے کیمپ لگایا گیا۔ کمپنی سیکرٹری محمد اعظم خان کانجو نے منیجر آپریشن امیتاز اللہ کے ہمراہ سبزی منڈی کا دورہ کیا،انہوں نے دکانداروں اور لوگوں میں ویسٹ بیگز اور پمفلٹ تقسیم کئے،اس موقع پر آڑھتیوں اور دکانداروں سے گفتگو کرتے ہوئے اعظم خان کانجو کا کہنا تھا کہ گلی سڑی سبزیاں و پھل جگہ جگہ پھینکنے سے اجتناب کریں اور کمپنی کے مہیا کردہ کوڑے دانوں کے استعمال کو یقینی بنائیں۔
فرمان الہی
نماز کے اوقات
