فرمان الہی
نماز کے اوقات
پاک فوج کے شعبۂ تعلقاتِ عامہ (آئی ایس پی آر) نے 23 مارچ یومِ پاکستان کی مناسبت سے خصوصی ملی نغمہ جاری کر دیا۔
آئی ایس پی آر کی جانب سے جاری کردہ نغمے کا عنوان ہے ’سب کا شجرہ پاکستان‘ ہے جس میں ملی جوش و جذبے، قومی یک جہتی اور حب الوطنی کا اظہار کیا گیا ہے۔
یومِ پاکستان کے حوالے سے جاری ہونے والا نیا ترانہ گلوکار عاطف اسلم کی آواز میں ریلیز کیا گیا ہے، جس کی کمپوزیشن ساحر علی بگا نے اور اس کے بول نامور شاعر اور نغمہ نگار عمران رضا نے تحریر کیے ہیں۔
نغمہ قومی جذبے کی عکاسی کرتا ہے، اس میں ملک سے محبت، استحکام اور ترقی کے عزم کو اجاگر کیا گیا ہے جبکہ نغمہ ’ایک دل ایک زبان ایک پاکستان‘ کا اہم پیغام دے رہا ہے۔
یومِ پاکستان کی مناسبت سے جاری کیے گئے اس نغمے کو عوام کی جانب سے بھرپور پزیرائی مل رہی ہے۔
