فرمان الہی
نماز کے اوقات
بالی ووڈ اداکارہ ملیکا شیراوت نے انکشاف کیا ہے کہ فلم ’ویلکم‘ کے سیٹ پر نانا پاٹیکر اور انیل کپور آپس میں جھگڑا کرتے رہتے تھے۔
ملیکا شیراوت نے ایک ویب شو میں بطور مہمان شرکت کی جہاں اُنہوں نے اپنی ماضی کی فلموں کے بارے میں بات کی۔
اُنہوں نے رومانوی کامیڈی فلم ’ویلکم‘ کے بارے میں بات کرتے ہوئے بتایا کہ فلم کے سیٹ پر انیل کپور اور نانا پاٹیکر میری توجہ حاصل کرنے کے لیے آپس میں جھگڑا کرتے تھے اور میں خود کو بہت خاص محسوس کرتی تھی۔
اداکارہ نے یہ بھی بتایا کہ فلم کی شوٹنگ دبئی میں ہوئی تھی اور اس وقت وہاں پر شدید گرمی تھی جس کی وجہ سے ہمارا میک اپ بھی خراب ہو رہا تھا لیکن اس بات کی کسی کو بھی فکر نہیں تھی بس گرمی کی وجہ سے ہر کوئی جلدی سے شوٹنگ مکمل کر کے گھر واپس جانا چاہتا تھا۔
یاد رہے کہ فلم ’ویلکم‘ کی کاسٹ میں اداکار انیل کپور، اکشے کمار، نانا پاٹیکر، اداکارہ کترینہ کیف اور ملیکا شیراوت سمیت دیگر اداکار شامل تھے۔
فلم ’ویلکم‘ کی کامیابی کے بعد’ ویلکم بیک‘ کے نام سے اس فلم کا سیکوئل بھی بنایا گیا جو 2015ء میں ریلیز ہوا تھا۔
