فرمان الہی
نماز کے اوقات
معروف بھارتی ہدایت کار انوراگ کیشپ کے بعد اب سینئر بھارتی اداکار سنی دیول بھی بالی ووڈ چھوڑنے کا ارادہ رکھتے ہیں۔
سنی دیول نے حال ہی میں اپنی نئی فلم ’جات‘ کے پروموشنل ایونٹ میں میڈیا سے گفتگو کرتے ہوئے کہا کہ یہ ڈھائی کلو کے ہاتھ کی طاقت پورا نارتھ دیکھ چُکا ہے اب ساؤتھ دیکھے گا۔
اُنہوں نے کہا کہ بالی ووڈ پروڈیوسرز کو ساؤتھ انڈین فلموں کے پروڈیوسرز سے سیکھنا چاہیے۔
اداکار نے کہا کہ جسے بالی ووڈ کہا جاتا ہے اسے پہلے ہندی سنیما کے طور پر دیکھیں۔
سنی دیول نے کہا کہ ساؤتھ انڈین فلم پروڈیوسرز موضوع پر توجہ دیتے ہیں، ڈائریکٹر پر بھروسہ کرتے ہیں اور اس کے ویژن کو پورا کرنے کی ہر ممکن کوشش کرتے ہیں، ان کے لیے فلم کی پوری کہانی ’ہیرو‘ ہوتا ہے اس لیے مجھے ان کے ساتھ کام کر کے بہت مزہ آیا۔
اُنہوں نے کہا کہ میں نے فلم ’جات‘ کے پروڈیوسر سے ایک اور فلم بنانے کو بھی کہا ہے۔
اداکار نے مزید کہا کہ ہو سکتا ہے میں مستقبل میں بالی ووڈ چھوڑ کر ساؤتھ انڈین فلم انڈسٹری کا ہی حصّہ بن جاؤں۔
واضح رہے کہ فلم ’جات‘ سنی دیول کے کیریئر کی پہلی ساؤتھ انڈین فلم ہے، اس فلم کو سنیما گھروں میں ہندی، تمل اور تیلگو زبان میں ریلیز کیا جائے گا۔
