فرمان الہی
نماز کے اوقات
پاکستان کے معروف کرکٹر کامران اکمل اپنی وکٹ کیپنگ اور تجزیہ کاری کے لیے مشہور ہیں، جو حال ہی میں اپنی اہلیہ عائزہ اکمل کے ساتھ ایک شو میں مہمان بنے۔
اس موقع پر انہوں نے اپنی منفرد اور پاکستانی ڈراموں جیسی محبت کی کہانی مداحوں کے ساتھ شیئر کی۔
کامران اکمل نے حیران کن انکشاف کیا کہ میں اپنی اہلیہ سے شادی نہیں کرنا چاہتا تھا جبکہ عائزہ کو کرکٹرز کی چمک دمک والی زندگی بالکل پسند نہیں تھی، دونوں کی سوچ مختلف تھی اور دونوں ہی شادی کو مؤخر کرنا چاہتے تھے، مگر قسمت کو کچھ اور ہی منظور تھا۔
عائزہ کامران اکمل کے بھائی عمر اکمل کے دوست کی بہن ہیں، جب کامران کے والدین نے شادی کے لیے زور دیا تو وہ ملاقات کے لیے محض اس نیت سے گئے تھے کہ وہ رشتہ رد کر سکیں، مگر جب انہوں نے عائزہ سے بات کی اور ان کے گھر والوں سے ملے تو ان کی سوچ یکدم بدل گئی۔
کامران اکمل کے مطابق اس ملاقات کے بعد انہیں محسوس ہوا کہ عائزہ ہی ان کے لیے بہترین شریکِ حیات ہیں، ان کا کہنا ہے کہ یہ زندگی کا سب سے اچھا فیصلہ ثابت ہوا۔
یہ منفرد کہانی سن کر مداحوں نے تبصرہ کیا ہے کہ یہ کسی پاکستانی ڈرامے کی کہانی سے کم نہیں، جہاں دو مختلف سوچ رکھنے والے افراد آخرکار ایک خوبصورت بندھن میں بندھ جاتے ہیں۔
