فرمان الہی
نماز کے اوقات
پاکستان مسلم لیگ ن کے مرکزی رہنما عبدالغنی سندھو نے کہا ہے کہ برطانیہ نے ایک مرتبہ پھر قومی ایئرلائن کو برطانیہ لینڈنگ کی اجازت نہیں دی جس سے پاکستانیوں میں غم و غصہ کی لہر دوڑ گئی ہے۔
انہوں نے کہا کہ برٹش ایئر سیفٹی کا 25 مارچ کے اجلاس کے چند یوم قبل قومی ایئرلائن کی ایک فلائٹ جو کراچی سے لاہور کےلیے روانہ ہوئی تھی اسکا ایک فرنٹ ویل کراچی ایئرپورٹ پر ہی گر گیا۔
جبکہ جہاز نے لاہور ایئرپورٹ پر ایک پہیے پر لینڈنگ کی حکومت نے قومی ایئرلائن کے کراچی کے عملے انجینئر اور دیگر کی انکوائری کرنے کی بجائے خاموشی اختیار کر رکھی ہے جو معنی خیز ہے۔
اجلاس سے چند یوم قبل اتنی بڑی غلطی دانستہ طور پر کی گئی ہے تاکہ ایئرلائن کا منافع بخش روٹ قومی ایئرلائن کو واپس نہ مل سکے۔
برطانیہ کے انکار فوراً بعد عرب ممالک کی ایئر لائنز نے ٹکٹوں میں راتوں رات 200 فیصد تک اضافہ کر لیا ہے، ایئرلائن کی دنیا میں آج تک کبھی ایسا کوئی واقعہ رونما نہیں ہوا کہ کسی جہاز کا اڑتے ہوئے پہیہ اسی ایئرپورٹ پر گر جائے اور نہ عملے کو پتہ چلے اور نہ ہی پائلٹ کو اور پھر وہی جہاز اپنی اگلی منزل والے ایئرپورٹ پر اتر جائے۔
انہوں نے کہا کہ ملک کو اربوں روپے روزانہ کا نقصان پہنچانے والوں کو قوم کے سامنے پیش کیا جائے، یورپی یونین اور برطانیہ کو پہلے ہی ہمارے ایک سابق وزیر نے جعلی لائسنس کا واویلا کر کے پابندی لگوادی اور اب نون لیگ کی حکومت میں جہاز کے ایک پہیہ کے نٹ ہی نہیں لگائے گئے، جو کراچی ایئرپورٹ پر ہی رہ گئے۔
انھون نے کہا حکومت فوری طور پر اس کی انکوائری کر کے رپورٹ عوام کے سامنے پیش کرے اور اس امر کو یقینی بنائے کہ قومی ایئرلائن کو فوری طور پر اس روٹ پر بحال کیا جائے۔
