فرمان الہی
نماز کے اوقات
وزیر اعظم شہباز شریف نے مختلف عالمی رہنماؤں سے ٹیلیفونک رابطے کیے ہیں۔
وزیراعظم شہبازشریف نے یواے ای کے صدر شیخ محمد بن زاید النہیان، ایران کے صدر مسعود پزشکیاں، میانمار اور ملائشیا کے وزرائے اعظم اور بنگلہ دیش کے چیف ایڈوائزر ڈاکٹر محمد یونس سے بھی ٹیلیفونک رابطہ کیا ہے۔
وزیراعظم شہباز شریف نے بحرین کے بادشاہ، قازقستان اور ترکمانستان کے صدور سے بھی ٹیلیفونک گفتگو کی ہے۔
اماراتی صدر سے گفتگو میں وزیر اعظم نے دونوں ممالک کے تعلقات کو فائدہ مند اقتصادی اشتراک میں بدلنے کے عزم کا اعادہ کیا، یواے ای کے صدر نے پاکستان کے اقتصادی اور ترقیاتی اقدامات کی غیر متزلزل حمایت کا اعادہ کیا۔
وزیراعظم شہباز شریف نے ایران کے صدر مسعود پزشکیان سے گفتگو میں ایران کے سپریم لیڈر آیت اللّٰہ خامنہ ای اور عوام کو بھی عید کی مبارکباد دی۔
وزیراعظم شہباز شریف نے 28 مارچ کے تباہ کن زلزلے پر میانمار کے وزیراعظم سے تعزیت کرتے ہوئے کہا کہ پاکستان زلزلہ متاثرہ افراد کی تکالیف کم کرنے کےلیے ہر قسم کی مدد فراہم کرنے کےلیے تیار ہے۔
محمد یونس سے پاکستان اور بنگلادیش دو طرفہ تعلقات کو مزید مضبوط بنانے کی خواہش کا اعادہ کیا۔
وزیر اعظم نے کہا کہ اپریل میں پاکستان کےنائب وزیراعظم کے دورہ ڈھاکہ سے متعلق پُرامید ہوں تجارتی وفد بھی نائب وزیراعظم اسحاق ڈار کے ہمراہ جائے گا۔
شہباز شریف اور ملائیشیا کے وزیراعظم کا بھی ٹیلیفونک رابطہ ہوا، اس موقع پر وزیراعظم شہبازشریف نے عید کی مبارکباد دی۔
وزیراعظم شہباز شریف نے کہا کہ اس سال ملائیشیا کے دورے کا منتظر ہوں، امید ہے یہ دورہ دونوں ممالک کے لیے مفید ثابت ہوگا۔
ملائیشیا کے وزیراعظم نےسابق وزیر اعظم نواز شریف سے بھی ٹیلیفون پر مختصر گفتگو کی۔
