فرمان الہی
نماز کے اوقات
ایچ بی ایل پی ایس ایل 10 کے کمنٹری پینل کا اعلان کردیا گیا۔
پی ایس ایل کے میچز 11 اپریل سے 18 مئی تک لاہور، کراچی، راولپنڈی اور ملتان میں کھیلے جائیں گے۔
انگلینڈ کے سابق کپتان سر الیسٹرکک پہلی بار ایچ بی ایل پی ایس ایل کمنٹری پینل کا حصہ ہونگے۔
اس کے علاوہ مارک نکولس، ڈومینک کارک، جے پی ڈومینی، مائیک ہیزمین، مارٹن گپٹل اور اطہر علی خان بھی کمنٹری کریں گے۔
دو بار کی ویمنز ورلڈ کپ کی فاتح آسٹریلوی خاتون کرکٹر لیزا اسٹالکر بھی پہلی بار ایچ بی ایل پی ایس ایل میں کمنٹری کریں گی۔
پاکستان کے 4 سابق کپتان رمیز راجہ، وسیم اکرم، وقار یونس اور عامر سہیل کے علاوہ بازید خان، عروج ممتاز اور کرکٹ انالسٹ سکندر بخت بھی ایچ بی ایل پی ایس ایل کمنٹری پینل میں شامل ہیں۔
وسیم اکرم کا پی ایس ایل کمنٹری میں ڈیبیو ہوگا۔
ایچ بی ایل پی ایس ایل میں پہلی بار مکمل اردو کمنٹری ہوگی، اردو کمنٹری پینل میں طارق سعید، علی یونس، عقیل ثمر، مرینہ اقبال اور سلمان بٹ شامل ہیں۔
ایرن ہالینڈ اور زینب عباس میچوں کے دوران پریزینٹرز ہوں گی۔
