فرمان الہی
نماز کے اوقات
فلموں کی تیاری کے لیے امدادی رقوم کی فراہمی کے لیے 8 رکنی کمیٹی تشکیل دے دی گئی۔
مریم نواز نے پنجاب کے پہلے فلم سٹی، فلم اسٹوڈیو، پوسٹ پروڈکشن لیب اور فلم اسکول کے قیام کی منظوری دے دی۔
اس حوالے سے جاری کردہ نوٹی فکیشن کے مطابق پنجاب کابینہ کی منظوری کے بعد ’پنجاب فلم فنڈ ڈسبرسمنٹ کمیٹی‘ تشکیل دی گئی ہے جس کی کنوینر پنجاب کی سینیئر صوبائی وزیر مریم اورنگزیب ہوں گی۔
نوٹی فکیشن میں بتایا گیا ہے کہ عظمیٰ بخاری، مجتبیٰ شجاع الرحمٰن، سردار رمیش سنگھ اروڑا کمیٹی کے رکن ہیں۔
نوٹی فکیشن کے مطابق یہ کمیٹی فلم سازوں اور فلم ساز کمپنیوں کی درخواستوں کا جائزہ لے گی اور فنڈ کے انتظام، اہلیت کے معیارات اور باکس آفس مراعات سے متعلق امور پر فیصلہ کرے گی۔
نوٹی فکیشن میں بتایا گیا ہے کہ کمیٹی کو کسی معاملے پر ذیلی کمیٹیاں تشکیل دینے کا اختیار بھی حاصل ہوگا۔
مریم اورنگزیب کی زیر صدارت کمیٹی کا پہلا اجلاس بھی ہوچُکا ہے جس میں وزیر اعلیٰ مریم نواز کے ویژن پر عملدرآمد کے لیے اہم فیصلے کیے گئے۔
فلم سٹی، فلم اسٹوڈیو اور پوسٹ پروڈکشن لیب کے لیے نواز شریف آئی ٹی سٹی میں جگہ مختص کی گئی ہے۔
اس منصوبے کے ڈیزائن سمیت دیگر اقدامات پر پیشرفت کا پہلا جائزہ بھی مکمل کرلیا گیا ہے۔
