فرمان الہی
نماز کے اوقات
ورلڈ اکنامک فورم (ڈبلیو ای ایف) نے اپنے بانی اور سابق چیئرمین کلاوس شواب کے خلاف الزامات کی تحقیقات شروع کرنے کی تصدیق کر دی۔
فورم کے مطابق ایک گمنام خط میں شواب اور ان کی اہلیہ ہلڈے پر مالی اور اخلاقی بے ضابطگیوں کے الزامات لگائے گئے تھے۔
جس کے بعد آڈٹ اینڈ رسک کمیٹی نے آزادانہ انکوائری کی سفارش کی تھی، بورڈ آف ٹرسٹیز نے متفقہ طور پر اس فیصلے کی توثیق کی۔
کلاوس شواب نے الزامات کی تردید کی ہے، تاہم انہوں نے رواں ہفتے اچانک اپنے عہدے سے استعفیٰ دے دیا تھا۔
واضح رہے کہ شواب 55 سال تک فورم کی قیادت کرتے رہے، وہ عالمی سطح پر ڈیووس میں ہونے والی سالانہ ایلیٹ کانفرنس کے بانی سمجھے جاتے ہیں۔
