کراچی (اسٹاف رپورٹر) شہر کے مختلف علاقوں سے دو افراد کی ڈوبی لاشیں ملی ہیں ۔تفصیلات کے مطابق بوٹ بیسن تھانے کی حدود بےنظیر پارک کے قریب نالے سے 30سالہ نامعلوم شخص کی لاش ملی ہے ،اطلاع ملتے ہی پولیس موقع پرپہنچ گئی ہےاور لاش کو تحویل میں لیکر اسپتال منتقل کیا گیا ۔پولیس کا کہنا ہے کہ لاش 10سے 12روز پرانی معلوم ہوتی ہے اور ناقابل شناخت ہے ،جبکہ اسکے پاس سے ایسی کوئی چیز نہیں ملی جس سے اسکی شناخت ہوسکے ،پولیس کا کہنا ہے کہ متوفی کے جسم پر تشدد کے بظاہر کوئی نشانات نظر نہیں آئے ہیں تاہم پوسٹ مارٹم رپورٹ کے بعد ہی موت کی وجہ معلوم ہو سکے گی۔عیسیٰ نگری قبرستان کے قریب لیاری ندی سے ایک شخص کی لاش ملی ہےاطلاع ملتے ہی پولیس موقع پر پہنچ گئی اورلاش کو ریکسیو ایمبولنس کے ذریعے اسپتال منتقل کیا گیا ،متوفی کی فوری طور پر شناخت نہیں ہو سکی ہے۔
فرمان الہی
نماز کے اوقات
