فرمان الہی
نماز کے اوقات
پنجاب کی سینئر وزیر مریم اورنگزیب نے کہا ہے کہ بھارت نے پاکستان کی سرحد پار کی تو یہ اس کی تاریخی بھول ہوگی۔
پنجاب کی سینئر وزیر اور مسلم لیگ (ن) کی رہنما مریم اورنگزیب نے اپنے بیان میں کہا ہے کہ پورا پاکستان اپنی بہادر افواج کے ساتھ چٹان کی طرح کھڑا ہے۔
مریم اورنگزیب نے کہا کہ بھارت کسی غلط فہمی میں نہ رہے، جس طرح کی جارحیت ہوگی، اسی طرح کا منہ توڑ جواب ملے گا۔
انہوں نے بتایا کہ ہم پہلگام واقعہ کے متاثرہ خاندانوں کے ساتھ اور انہیں انصاف دلانے کی بات کر رہے ہیں۔
پنجاب کی سینئر وزیر نے کہا کہ بھارتی حکومت اپنے ہی شہریوں کے خون پر سیاست کر رہی ہے۔
مریم اورنگزیب نے مزید بتایا پوری دنیا جان چکی کہ بھارت امن کا دشمن اور دہشت گردوں کا سرپرست ہے۔
پاکستان کی امن کی خواہش کے حوالے سے بات کرتے ہوئے پنجاب کی سینئر وزیر نے مزید کہا کہ ہم امن کے داعی ضرور ہیں مگر جنگ مسلط کی گئی تو انجام بھارت خود لکھے گا، اللّٰہ تعالیٰ کے کرم اور فضل سے دشمن کا غرور خاک میں ملانے کو تیار ہیں۔
