فرمان الہی
نماز کے اوقات
اڈیالہ جیل راولپنڈی کے قریب پولیس نے تحریک انصاف کے رکن قومی اسمبلی عامر ڈوگر پر مبینہ تشدد کیا ہے۔
میڈیا سے گفتگو میں عامر ڈوگر نے الزام لگایا کہ پولیس نے ان کے کپڑے پھاڑے اور ڈنڈے مارے۔
انہوں نے کہا کہ بتایا جائے اڈیالہ جیل کے قریب بیٹھنا جرم ہے کیا؟ یہ پولیس گردی اور غنڈا گردی کی انتہا ہے۔
پی ٹی آئی ایم این اے نے مزید کہا کہ صبح سے ہی ہمیں ہراساں کیا جا رہا تھا، آج اڈیالہ کے باہر پہنچے تو پولیس نے جگہ جگہ ناکے لگا رکھے تھے۔
اُن کا یہ بھی کہنا تھا کہ ہم وہاں بانی پی ٹی آئی کی بہنوں سے اظہار یکجہتی کےلیے موجود تھے، ایک پولیس والے نے میرا گریبان پکڑ کر گھسیٹا اور لاٹھیاں برسانی شروع کردیں۔
عامر ڈوگر نے یہ بھی کہا کہ باقی ایم این ایز بیچ بچاؤ کروانے لگے تو ان پر بھی لاٹھیاں برسائی گئیں، آج قومی اسمبلی کے باہر زمین پر بیٹھے ہیں۔
