عمارتیں گرانے کیلئے بھی روبوٹس کا استعمال

ویسے تو ان صفحات پر ہم عمارتیں تعمیر کرنے ، ان کے طرز تعمیر، ان کی خصوصیات ، ٹیکنالوجی یا تاریخی مندرجات کے حوالے سے مضامین شائع کرتے ہیں ، لیکن اس بار ہم تعمیرات گرانے کے حوالے سے ٹیکنالوجیز کا ذکر کریں گے کہ لامحالہ عمارتوں کو زمیں بوس کرنا بھی تعمیراتی عمل کا ایک حصہ ہی ہے۔ 

ٹیکنالوجی کا ذکر کریں تو ہم ان صفحات کے ذریعے اپنے قارئین کو معلومات بہم پہنچا چکے ہیں کہ مستقبل میں تو عمارتوں کی تعمیر بذریعہ روبوٹ شد و مد سے ہوگی ہی، لیکن اس کا آغاز ہو چکاہے، یہ لازمی امر ہے کہ اگر جدید ٹیکنالوجی ،تھری ڈی پرنٹرزاور ڈرونز سمیت روبوٹ کا استعمال عمارتوں کو کھڑا کرنے میں استعمال ہو رہاہے تو پھر عمارتوں کو گرانے میں بھی روبوٹ کا استعمال بعید از عقل بات نہیں ہوگی۔ 

اس حوالے سے 2025میں تعمیر اور مسمار کرنے والے روبوٹس کے فروغ کی پیشن گوئی سمیت 2019ء میں عالمی صنعت میں نمو ، تجزیہ ، زمرہ بندی، سائز ، شیئر ، رجحان اور مستقبل کی مانگ کی ایک رپورٹ پیش گئی ہے۔

’’گلوبل کنسٹرکشن اینڈ ڈیمولیشن روبوٹس مارکیٹ‘‘ کے عنوان سے ایک تازہ مارکیٹ ریسرچ اسٹڈی میں تعمیراتی اور مسمار کرنے والے روبوٹس مارکیٹ سے متعلق صنعت کے ماحول ،زمرہ بندی (Segmentaiton)کے تجزیہ ، اور مسابقتی منظر نامے کے احاطے سے متعلق کئی اہم پہلوؤں کی کھوج کی گئی ہے۔ 

اس رپورٹ میں بازار کے حقیقت پسندانہ تصورات کا تذکرہ ایک سادہ اور سیدھے انداز میں کیا گیا ہے۔ ایک جامع اور وسیع و عریض پرائمری تجزیہ رپورٹ میں متعدد حقائق جیسے ترقیاتی عوامل، کاروبار میں اضافہ کی حکمت عملی ، شماریاتی نمو ، مالی فائدہ یا نقصان، عالمی سطح پر قارئین اور کلائنٹس کو مارکیٹ کو سمجھنے میں مدد کی فراہمی پر روشنی ڈالی گئی ہے۔

موجودہ اور پچھلے چند برسوں میں مارکیٹ میں تیزی سے ترقی کا انکشاف ہوا ہے اور آنے والے برسوں میں یہ مزید ترقی کرے گی ۔ مارکیٹ رپورٹ میں، عالمی مارکیٹ میں کام کرنے والے اہم کمپنیوں کے مسابقتی منظر نامے پر بھی نظر ڈالی گئی ہے۔ 

اس حصے میں ان کمپنیوں کی پروفائل، مصنوعات کی وضاحتیں، صلاحیت، پیداوار ی قیمت، رابطہ کی معلومات اور کمپنی کے مارکیٹ شیئرزکا احاطہ کیا گیا ہے۔ مسابقتی منظرنامے کے تجزیے میں مارکیٹ کو کمپنی، ا س کے ملک اور اطلاق /نوعیت کے ذریعہ تقسیم کیا گیا ہے۔

یہ رپورٹ پیشہ ورانہ ہے اور عالمی مارکیٹ پر توجہ مرکوز کرنے والی ’’کنسٹرکشن اینڈ ڈیمولیشن روبوٹس انڈسٹری‘‘ کے موجودہ حالات کے بارے میں ایک پیشہ ورانہ ، سبھی شامل مطالعہ ہے۔ مجموعی طور پر ، اس مطالعے میں تمام اہم پیرامیٹرزکا احاطہ کرنے والی دنیا بھر کی مارکیٹ کا گہرائی سے جائزہ پیش کیا گیا ہے۔ 

اس مطالعہ میں پروڈیوسروں کی مارکیٹ کی حیثیت کے بارے میں اہم اعدادوشمار پیش کیے گئے ہیں اور کاروبار میں دلچسپی رکھنے والے افراد اور صنعت میں دلچسپی رکھنے والے افراد کے لئے مفید مشورے اور سمت فراہم کی گئی ہے۔

تعمیرات کو مسمار کرنے کے حوالے سے اگر ہم رووبوٹس کی اقسام دیکھیں توکچھ یوں ہیں:

اسٹرکچر روبوٹس

فنشنگ روبوٹس

انفرااسٹرکچر روبوٹس

دیگرروبوٹس

تعمیرات اور مسمار کرنے والے روبوٹس کو اگر علاقائی نقطہ نظر سے دیکھا جائے تو ا ن کا ا ستعمال زیادہ تر ایشیاء پیسیفک (ویتنام ، چین ، ملائیشیا، جاپان ، فلپائن ، کوریا ، تھائی لینڈ ، ہندوستان ، انڈونیشیا ، اور آسٹریلیا)، یورپ (ترکی ، جرمنی ، روس برطانیہ ، اٹلی ، فرانس وغیرہ)،شمالی امریکہ (ریاستہائے متحدہ ، میکسیکو ، اور کینیڈا)، جنوبی امریکہ (برازیل وغیرہ) اور مشرق وسطیٰ اور افریقہ (جی سی سی ممالک اور مصر)وغیرہ میں ہو رہا ہے۔

مسمار کرنے والے روبوٹ تعمیراتی صنعت میں عمارتوں کے لائف سائکل کے اختتام پر انہیں منہدم کرنے کے لئے استعمال کیے جاتے ہیں۔ یہ موبائل روبوٹس پیشہ ورانہ سروس روبوٹ کی نئی شکل ہیں اور عمارت کے سامان کو توڑنے کیلئے مختلف ٹولز جیسے کہ بریکرز(breakers) ، کرشرز(crushers) ، ڈرلز (drills )یا بکٹس(buckets ) استعمال کرتے ہیں۔ مسمار کرنے والے زیادہ تر روبوٹ بغیر کسی گاڑی یا پہیوں کے مل جاتے ہیں، جنہیں عموماَ دروازے اور زینے کے راستے میں آنے والی چھوٹی موٹی کھدائی کیلئے استعمال کیا جاتا ہے۔

فی الحال، مسمار کرنے والے روبوٹ تعمیراتی روبوٹ کی کل مارکیٹ کا 90٪ فیصدحصہ رکھتے ہیں۔ تاریخی طور پر محنت مزدوری سے چلنے والی صنعت میں توقع کی جا رہی ہے کہ 2022 تک مجموعی طور پر تعمیراتی روبوٹ مارکیٹ کی مالیت 321 ملین ڈالر حصہ سمیٹیں گے، جس میں سالانہ ترقیاتی شرح (سی اے جی آر) 2016 سے 2022 کے درمیان 8.7 فیصد ہوگی۔

عمارتوں کو مسمار کرنا فطری طور پر ایک خطرناک کام ہے۔ روبوٹک آٹومیشن انسانی کارکنوں کو نقصان سے دور رکھتا ہے اور انہیں زیادہ پیداواری کاموں کو مکمل کرنے کا وقت دیتا ہے۔ مسمار کرنے والے روبوٹ کام پہلے سے زیادہ تیزی سے مکمل کرنے کے لئے دن رات کام کرسکتے ہیں۔ 

نئی ٹیکنالوجی ہونے کے باعث اگرچہ مسمار کرنے والے روبوٹ کی ابتدائی لاگت زیادہ ہوتی ہےتاہم طویل مدتی سرمایہ کاری میں یہ مؤثر ثابت ہوں گی ، جو وقت اور مزدوری کی بچت دیتے ہوئے فائدہ مند ثابت ہوں گے۔

مسمار کرنے والے روبوٹ محنت مزدوری کرنے والی صنعت میں انتہائی ضروری حفاظت ، کارکردگی اور لاگت کی بچت کے حوالے سے پیش کیے جارہے ہیں۔ مضبوط نمو کی صلاحیت کے ساتھ، مسمار کرنے والے روبوٹ آٹومیشن کی لہر کو آگے بڑھاتے ہوئے تعمیرات اور مسمار کرنے کی صنعت کو درہم برہم کرنے کے لئے تیار ہیں۔