فرمان الہی
نماز کے اوقات
بھارتی ریاست آسام کے وزیرِ اعلیٰ ہمانتا شرما نے کانگریس کے رکنِ پارلیمان گورو گوگوئی پر پاکستانی اسٹیبلشمنٹ سے رابطوں کا الزام لگا دیا اور پاکستان سے رابطوں کے ثبوت 10 ستمبر تک پیش کرنے کا دعویٰ کر دیا۔
میڈیا سے گفتگو میں آسام کے وزیرِ اعلیٰ شرما کا کہنا تھا کہ کانگریس رکنِ پارلیمنٹ گورو گوگوئی نے آئی ایس آئی کی دعوت پر پاکستان کا دورہ کیا اور پاکستان جا کر آئی ایس آئی سے ٹریننگ لی، ہمارے پاس گوگوئی کے پاکستان جانے اور ٹریننگ لینے کے ثبوت ہیں۔
انہوں نے کہا کہ گوگوئی کو پاکستان سے دعوت وزارتِ ثقافت یا خارجہ امور سے نہیں بلکہ محکمۂ داخلہ سے ملی۔
خیال رہے کہ کانگریس نے رکنِ پارلیمان گورو گوگوئی کو سفارتی دورے پر جانے والے آل پارٹی وفد کے لیے نامزد کیا ہے۔
گورو کی نامزدگی کے ایک روز بعد آسام کے وزیرِ اعلیٰ نے کانگریسی رکنِ گوگوئی پر پاکستان سے رابطوں کا الزام لگایا۔
بھارت کا آل پارٹی وفد دہشت گردی کے خلاف بھارت کی جنگ سے متعلق عالمی سطح پر بریفنگ کے لیے سفارتی دورے پر جا رہا ہے۔
