• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

100 لفظوں کی کہانی

مبشر علی زیدی
آج کا اخبار
ادارتی صفحہ
23 جون ، 2025

میں امریکا کے ایک اسکول میں پڑھاتا ہوں۔

اسکول ائیر کے آخری دن پرنسپل نے ہم ٹیچرز سے پوچھا،

گرمیوں کی چھٹیوں میں آپ کیا کریں گے؟

امینڈا نے کہا، میں اپنا ناول مکمل کروں گی۔

ایرک نے کہا، میں ملک گیر سیر کو نکل جاؤں گا۔

ٹریسی نے کہا، میں ادھوری چھوڑی ہوئی کتابیں پڑھوں گی۔

ایلس نے کہا، میں بہت سی فلمیں دیکھوں گی۔

جان نے کہا، میں اے آئی کورسز کروں گا۔

پرنسپل نے مجھ سے پوچھا، آپ کا کیا ارادہ ہے؟

میں نے کہا، اپنے ہم وطنوں کی طرح

میں سارا وقت نیوز چینل دیکھوں گا۔

تازہ ترین