فرمان الہی
نماز کے اوقات
فرانسیسی صدر ایمانوئل میکرون نے بیجنگ میں چینی صدر شی جن پنگ سے ملاقات کی، چینی صدر نے فرانس سے مزید مستحکم تعلقات پر زور دیا ہے۔
خبر ایجنسی کے مطابق میکرون اور ان کی اہلیہ کے گریٹ ہال آف دی پیپل میں پہنچنے پر شاندار استقبال کیا گیا، سرد موسم کی وجہ سے تقریب کو گھر کے اندر منتقل کیا گیا۔
اس موقع پر چینی صدر کا کہنا تھا کہ فرانس کے ساتھ مل کر کسی بھی قسم کی مداخلت کو ختم کرنے کے لیے تیار ہیں۔
شی جن پنگ نے کہا کہ چین اور فرانس کے درمیان جامع اسٹریٹجک شراکت داری مزید مستحکم بنانے کو تیار ہیں۔
دوران ملاقات فرانسیسی صدر ایمانوئل میکرون کا کہنا تھا کہ چینی صدر یوکرین جنگ بندی پر اثر انداز ہونے کی فیصلہ کن صلاحیت رکھتے ہیں۔
انہوں نے کہا کہ فرانس اور چین کو اپنے اختلافات ختم کرنے چاہئیں، بعض اوقات اختلافات ہوتے ہیں لیکن یہ ہماری ذمے داری ہے کہ بڑے مفاد کے لیے انہیں ختم کریں۔
خبر ایجنسی کے مطابق فرانسیسی صدر میکرون گزشتہ روز سرکاری دورے پر چین پہنچے تھے۔
