فرمان الہی
نماز کے اوقات
ورجینیا کے ایک اسٹور میں راکون کے ہاتھ شراب کی بوتل لگ گئی جسے پینے کے بعد وہ فرش پر بےہوش پڑا تھا جسے دیکھ کر وہاں کا اسٹاف بھی حیران رہ گیا۔
ورجینیا کے ایش لینڈ کے ایک اسٹور کے عملے کے لیے تھینکس گیونگ کے بعد کام پر واپسی ایک غیر معمولی اور حیرت انگیز منظر لے کر آئی۔
اسٹور کھولنے کے بعد عملے نے دیکھا کہ ایک انتہائی نشے میں مدہوش راکون باتھ روم میں بےہوش پڑا ہے، جبکہ دکان میں بھی تباہی مچی ہوئی تھی۔
راکون کی حرکتوں نے دکان میں افراتفری مچا دی تھی، اس نے بوتلیں توڑدیں تھیں۔
سی سی ٹی وی فوٹیج کے مطابق یہ واضح نہیں ہو سکا کہ راکون نے کتنی شراب نوشی کرڈالی۔
جانوروں کے کنٹرول آفیسر سمنیتا مارٹن نے اسے ہینوور کاؤنٹی اینیمل پروٹیکشن اینڈ شیلیٹر منتقل کیا تاکہ وہ ہوش میں آئے، چند گھنٹوں بعد جانور محفوظ طریقے سے دوبارہ جنگل میں چھوڑ دیا گیا۔
اسٹور نے سوشل میڈیا پر ہینوور کاؤنٹی اینیمل پروٹیکشن اینڈ شیلیٹر کا شکریہ ادا کیا اور کہا کہ جانور کو باحفاظت جنگل واپس پہنچانے میں ان کا پروفیشنل ازم قابلِ تعریف تھا۔
