دنیا کے بلند ترین قدرتی سٹیڈیم شندور میں کھیلے گئے پولو ٹورنامنٹ کا فائنل چترال اے کی ٹیم نے گلگت اے کو پانچ کے مقابلے میں دس گول سے ہرا کر جیت لیا۔
سطح سمندر سے ساڑھے بارہ ہزار فٹ کی بلندی پر واقع دنیا کے بلند ترین قدرتی سٹیڈیم شندور میں تین روزہ میلے کے اختتام پر چترال اور گلگت کی پولو ٹیموں کے درمیان فائنل کھیلا گیا۔
اعصاب شکن مقابلے کے بعد چترال نے گلگت کو پانچ کے مقابلے میں دس گول سے ہرا دیا۔ کھیل کے پہلے ہاف میں گلگت کی ٹیم نے پانچ اور چترال نے تین گول کئے تھےجبکہ دوسرے ہاف میں چترال کی ٹیم چھائی اور اس نے یکے بعد دیگر ے سات گول کرکے مقابلہ پانچ دس سے جیت لیا۔
چیف آف آرمی سٹاف جنرل راحیل شریف نے میچ کے اختتام پر چترال کو وننگ ٹرافی دی اور کھلاڑیوں میں انعامات تقسیم کئے۔ گلگت بلتستان کے وزیر اعلیٰ حافظ حفیظ الرحمان بھی اس موقع پر موجود تھے۔
فرمان الہی
نماز کے اوقات
