• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

روسی حملہ پسپا کرتے ہوئے یوکرین F-16 کا پائلٹ ہلاک

آج کا اخبار
دنیا بھر سے
30 جون ، 2025
کیف(نیوز ڈیسک)یوکرین کی فضائیہ کے مطابق روس کے میزائیل حملہ کو روکتے ہوئے ایف-16 طیارہ اور اس کا پائلٹ میکسم اوسٹیمنکو ہلاک ہوگیا ،میکسم اوسٹیمنکو کے طیارے نے سات فضائی اہداف کو نشانہ بنانے کے بعد بلندی کھو دی اور گر کر تباہ ہو گیا، ایئر فورس کے مطابق یوکرین نے ایک ایف-16طیارہ اور اس کا پائلٹ اُس وقت کھو دیا جب وہ روس کے میزائل اور ڈرون حملے کو روک رہا تھا، یوکرین کی فضائیہ کے مطابق۔ جنگ جو اب اپنے چوتھے سال میں داخل ہو چکی ہے، روزانہ کی بنیاد پر شدید لڑائی جاری ہے اور جنگ بندی کے کوئی آثار نظر نہیں آ رہے۔یوکرینی فوج نے اتوار کو ٹیلیگرام پر جاری ایک بیان میں کہا کہ "اس رات، دشمن کے بڑے فضائی حملے کو روکنے کے دوران، پہلی کلاس کے پائلٹ، لیفٹیننٹ کرنل میکسم اوسٹیمنکو، جو 1993 میں پیدا ہوئے، ایف-16 طیارے میں ہلاک ہو گئے۔قطری نیوز چینل الجزیرہ کے مطابق ایک اور بیان میں فضائیہ نے کہا کہ روس نے یوکرین پر 537ہتھیار داغے، جن میں شاہد ڈرونز، کروز اور بیلسٹک میزائل شامل تھے۔ یوکرین نے دعویٰ کیا کہ ان میں سے 475 کو تباہ کر دیا گیا۔کیف انڈیپنڈنٹ اخبار کے مطابق، ملک کے کئی علاقوں میں دھماکوں اور حملوں کی آوازیں سنی گئیں، جن میں جنوبی میکولائیو، جنوب مشرقی زاپوریزیا اور مغربی لیویو شامل ہیں۔وسطی یوکرین کے چیرکاسی علاقے کے گورنر ایہور تابوریٹس نے بتایا کہ کم از کم چھ افراد زخمی ہوئے اور شہری انفرااسٹرکچر کو نقصان پہنچا۔ ان کے مطابق حملے میں تین منزلہ عمارتیں اور ایک کالج متاثر ہوا۔حکام کے مطابق، جنوبی یوکرینی علاقے میکولائیو اور وسطی ڈنیپروپیٹروسک میں صنعتی تنصیبات کو نشانہ بنایا گیا۔ مقامی حکام نے اونچی رہائشی عمارتوں کی تصاویر شائع کی ہیں جن کی دیواریں جلی ہوئی اور کھڑکیاں ٹوٹی ہوئی ہیں، اور امدادی کارکن لوگوں کو نکال رہے ہیں۔
دنیا بھر سے سے مزید