فرمان الہی
نماز کے اوقات
کراچی(اسٹاف رپورٹر)ایم کیو ایم پاکستان گلشن اقبال کے سابق ذمہ دار عمران طاہر اور کراچی فش ہاربر اتھارٹی کے باسط خان نیازی نے فنکشنل لیگ سندھ کے جنرل سیکریٹری سردار عبد الرحیم سے ملاقات کی اور پیر صاحب پگارا کی قیادت پر مکمل اعتماد کا اظہار کرتے ہوئے ساتھیوں سمیت پاکستان مسلم لیگ فنکشنل میں شمولیت کا اعلان کیا ، اس موقع پر فنکشنل لیگ لیبر ونگ کراچی زون کے صدر سید ولی وارثی جنرل سیکریٹری ملک صفدر اعوان محمد شکیل بھی موجود تھے۔ فنکشنل لیگ سندھ کے جنرل سیکریٹری سردار عبد الرحیم نے شمولیت کرنے والوں کا خیر مقدم کرتے ہوئے کہا کہ کراچی میں نئی سیاسی صف بندی شروع ہوچکی ہے اور شہری ماضی کی سیاست سے بیزار ہوکر فنکشنل لیگ میں شامل ہورہے ہیں ، جوکہ کراچی شہر کے لیے خوش آئند بات ہے ۔
