فرمان الہی
نماز کے اوقات
پاکستان تحریکِ انصاف کے بانی کی بہن علیمہ خان نے کہا ہے کہ اخبارات اور ٹی وی بند کر کے عمران خان کو قیدِ تنہائی میں ڈالا گیا ہے، جیل سپرنٹنڈنٹ جھوٹے ہیں، میرا بھائی جھوٹ نہیں بولتا۔
راولپنڈی کی انسدادِ دہشت گردی کی عدالت کے باہر میڈیا سے گفتگو کے دوران علیمہ خان نے کہا کہ بانیٔ پی ٹی آئی مشکل حالت میں ہیں، پارٹی اس پر بات کرے، ان کو توڑنے کے لیے بشریٰ بی بی کے خلاف کارروائیاں کی جا رہی ہیں۔
انہوں نے مزید کہا کہ مریم نواز نے بانیٔ پی ٹی آئی پر ظلم کرانے کے لیے اس سپرنٹنڈنٹ کو بھیجا ہے۔
علیمہ خان نے یہ بھی کہا کہ بانیٔ پی ٹی آئی نے سخت پیغام بھیجا ہے کہ ذاتی لڑائیاں ختم کریں اور تحریک چلائیں، ہمارے بھائی اور بھانجے کو ناجائز قید میں رکھا گیا ہے، ہمارا فوکس بے گناہ قیدیوں کی رہائی ہے۔
ان کا کہنا تھا کہ بانیٔ پی ٹی آئی کی زندگی خطرے میں ہے، ہم سپریم کورٹ میں جائیں گے، عمران خان قوم کے مفاد میں مذاکرات کریں گے، اپنے لیے ڈیل نہیں کریں گے۔
میڈیا سے گفتگو کے دوران علیمہ خان نے کہا کہ مہنگائی کا ہم سب شکار ہیں، اب عوام کو خود نکلنا ہوگا، ظلم کے نظام کے خلاف خود لوگوں کو کھڑا ہونا ہوگا۔
