فرمان الہی
نماز کے اوقات
ہنگو میں شناوڑی زرگری میں دہشتگردوں کے ساتھ فائرنگ کے تبادلے میں ڈی پی او زخمی ہوگئے۔
ڈی پی او محمد خالد کو ڈسٹرکٹ ہیڈ کوارٹر اسپتال منتقل کردیا گیا ہے۔ ڈی پی او محمد خالد کو پیٹ میں 4 گولیاں لگی ہیں، انہیں مزید علاج کے لیے پشاور منتقل کیا جائے گا۔
علاقے میں دہشتگردوں کے خلاف آپریشن کیا گیا، پولیس ترجمان کے مطابق کارروائی میں 5 دہشت گرد مارے گئے۔
پولیس ترجمان نے یہ بھی بتایا کہ ایس ایچ او تھانا دوآبہ نبی خان بھی زخمی ہوئے ہیں۔
انسپکٹر جنرل (آئی جی) خیبر پختونخوا پولیس ذوالفقار حمید نے کہا ہے کہ ڈی پی او ہنگو دہشتگردوں کے خلاف آپریشن کر رہے تھے۔
ان کا کہنا تھا کہ آپریشن کے دوران 5 دہشتگرد مارے گئے، کئی زخمی ہوئے، ڈی پی او ہنگو کو بھی گولی لگی ہے۔
آئی جی کے پی نے بتایا کہ ڈی پی او ہنگو کی حالت خطرے سے باہر ہے، ڈی پی او سے بات کی ہے ان کے حوصلے بلند ہیں۔
آئی جی ذوالفقار پولیس نے عزم ظاہر کیا کہ دہشتگردوں کے خلاف کارروائیاں جاری رکھیں گے۔
