فرمان الہی
نماز کے اوقات
وزیرِ اعلیٰ خیبر پختون خوا علی امین گنڈا پور کا کہنا ہے کہ ہارس ٹریڈنگ کو ڈنکی ٹریڈنگ کہتا ہوں، فیصلہ کیا ہے کہ سینیٹ میں خرید و فروخت نہیں ہونی چاہیے۔
خیبر پختون خوا اسمبلی میں حکومت اور اپوزیشن رہنماؤں کا اجلاس ہوا، جس میں وزیرِ اعلیٰ علی امین گنڈاپور اپوزیشن لیڈر ڈاکٹر عباداللّٰہ، اسپیکر بابر سلیم سواتی شریک ہوئے۔
اجلاس کے بعد گفتگو کرتے ہوئے علی امین گنڈاپور کا کہنا ہے کہ ناراض امیدواروں کے خلاف پارٹی کارروائی کرے گی، سینیٹ الیکشن کے معاملے پر اپوزیشن اور حکومت کے درمیان دھوکا دہی نہیں ہو گی، بانیٔ پی ٹی آئی نے جو فیصلہ کیا تھا اسی فارمولے پر عمل کریں گے۔
علی امین گنڈا پور نے کہا کہ گھوڑا ایک بڑا قابلِ عزت جانور ہے، میں خود گھوڑوں کا بہت شوقین ہوں، دیکھا جائے تو گدھا بھی خدمت کرنے والا جانور ہے، سینیٹ میں خرید و فروخت اس سے بھی گھٹیا کام ہے، فیصلہ کیا ہے کہ سینیٹ میں خرید و فروخت نہیں ہونی چاہیے۔
وزیرِ اعلیٰ کے پی نے کہا ہے کہ صوبے کی تاریخ میں پہلی بار اتنا اچھا فیصلہ ہو رہا ہے، اس سے پہلے پنجاب سینیٹ انتخابات میں ہم نے یہی کیا ہے، عدالتی احکامات کے مطابق مخصوص نشستوں کے منتخب اراکین گورنر ہاؤس میں حلف لے رہے ہیں۔
