فرمان الہی
نماز کے اوقات
لاہور (این این آئی) حکومت اور شوگر ملز مالکان کے درمیان معاہدہ کے باوجود چینی بدستور مہنگی ہوگئی۔ لاہور شہر میں چینی 165کے بجائے 190روپے کلو میں فروخت ہو رہی ہے، چینی مہنگی ہونے پر متعدد دکانداروں نے چینی رکھناہی بند کر دی ہے۔دکانداروں کے مطابق 50کلو چینی کا تھیلا 9 ہزار 100روپے میں ملتا ہے، اس تھیلے میں بھی 100یا 200گرام چینی کم ہوتی ہے۔ دکانداروں نے بتایا کہ حکومت نے 165روپے کلو چینی کا ریٹ دیا ہے اس لیے زیادہ لاگت اور قیمت میں کمی پر چینی فروخت نہیں کر سکتے‘صارفین کے مطابق عام مارکیٹ میں چینی 190 روپے کلو فروخت ہو رہی ہے، حکومت چینی کی قیمت پر کنٹرول کیلئے مانٹرنگ نظام بہتر کرے۔
