تربت کے علاقے ہوشاب میں ایف سی سے فائرنگ کے تبادلے میں کالعدم تنظیم کے تین شرپسند ہلاک جبکہ سات کو گرفتار کرلیا گیا ۔ کارروائی میں شرپسندوں کے چار ٹھکانے مسمار اور بھاری مقدار میں اسلحہ برآمد کرلیا گیا ۔
ترجمان ایف سی کے مطابق تربت کے علاقے ہوشاب کی کلی کھلوا میں ایف سی نے حساس اداروں کی اطلاع پرسرچ آپریشن کیا ۔
سرچ آپریشن کے دوران شرپسندوں نے ایف سی پر فائرنگ کردی فائرنگ کے تبادلے میں کالعدم تنظیم کے اہم کمانڈر سمیت تین شرپسند ہلاک ہوگئے ۔ ایف سی نے کاروائی کرتے ہوئے شرپسندوں کے چار ٹھکانے مسمار کرکے سات مشتبہ افراد کو گرفتار کرلیا۔
شرپسندوں سے دو ایس ایم جیز ، چار رائفل ،تین شارٹ گن،سینکڑوں راؤنڈز ،اور تخریبی مواد برآمد کرلیا گیا۔ ہلاک اور گرفتار افراد ٹارگٹ کلنگ ،سیکورٹی فورسز اور قومی تنصیبات پر حملوں میں ملوث تھے ۔
دوسری جانب ایف سی نے سوئی میں سٹرک کنارے نصب سات کلو دیسی ساختہ بم برآمد کرکے ناکارہ بنا دیا جبکہ مچھ میں کار سے 70کلو حشیش برآمد کرکے ڈرائیور کو گرفتار کرلیا گیا ۔
فرمان الہی
نماز کے اوقات
