خیرپور(بیورو رپورٹ) سینئر صحافی عبدالعزیز گاہو 60بر س کی عمر میں دل کا دورہ پڑنے سے انتقال کر گئے عبدالعزیز گاہو کو گذشتہ شب 2بجے دل کا دورہ پڑا ان کو فوری طور پر اسپتال لے جایا گیا جہاں وہ انتقال کر گئے عبدالعزیز گاہو 40بر س سے صحافت سے وابستہ تھے بہتر صحافتی خدمات سر انجام دینے پر ان کو اے پی این ایس سمیت کئی ایوارڈ ملے۔ جنرل ضیاء الحق کے دور میں ان کو گرفتار بھی کیا گیا۔ آزاد صحافت کی جدو جہد میں 15 برس قبل وہ ملک بھر کے صحافیوں کے ہمراہ لاہور میں جاکر جلوس میں شریک ہوئے جہاں وہ کئی صحافیوں کے ساتھ گرفتار ہوئے۔ مرحوم کی نماز جنازہ ان کے آبائی گاؤں غوث بخش گاہو میں ادا کی گئی۔ رکن قومی اسمبلی نواب خان وسان ،ضلع کونسل خیرپور کے نامزد چیئرمین شہریار وسان ،سابق تعلقہ ناظم کوٹ ڈیجی منور علی وسان ،یونین کونسل رسول آباد کے چیئرمین عبدالعزیز بھنبھرو اور سکھر و خیرپور کے سیکڑوں صحافی نماز جنازہ و تدفین میں شریک ہوئے۔ دریں اثناء ایوان صحافت خیرپو ر میں عبدالعزیز گاہو کے انتقال پر تعزیتی ریفرنس ہوا جس کی صدارت سینئر صحافی غلام عباس بھنبھرو نے کی۔ پریس کلب خیرپو ر کےنائب صدر غلام حسین فاتح ،جنرل سیکریٹری سید عبید شاہ ،سابق سرپرست اعلیٰ دین محمد کلہوڑو،عبدالمجید بھنبھرو،نوجوان صحافی ظہیربابر خاصخیلی، طاہر خاصخیلی ،عابد بلوچ اور دیگر شریک ہوئے۔
فرمان الہی
نماز کے اوقات
