فرمان الہی
نماز کے اوقات
ایرانی صدر ڈاکٹر مسعود پزشکیان نے کہا ہے کہ کسی بھی نئے اسرائیلی فوجی اقدام کے لیے مکمل طور پر تیار ہیں۔
ایرانی صدر ڈاکٹر مسعود پزشکیان نے عرب میڈیا کو انٹرویو میں کہا کہ اسرائیل کے ساتھ جنگ بندی کے بارے میں بہت پُرامید نہیں ہیں۔
ایرانی صدر نے بتایا کہ ایران بین الاقوامی مخالفت کے باوجود یورینیم کی افزودگی کا پروگرام جاری رکھے گا اور ایران جوہری صلاحیتوں میں اضافہ عالمی قوانین کے دائرہ کار میں رہتے ہوئے کرے گا۔
ڈاکٹر مسعود پزشکیان نے کہا کہ وہ امریکی صدر کی ایران کے پاس جوہری ہتھیار نہ ہونے کی بات سے اتفاق کرتے ہیں۔
انہوں نے کہا کہ ایران جوہری ہتھیاروں کو مسترد کرتا ہے، یہ ہمارا سیاسی، مذہبی، انسانی اور تذویراتی مؤقف ہے اور ہم سفارت کاری پر یقین رکھتے ہیں لیکن دھمکیوں یا جبر کو قبول نہیں کریں گے۔
ایرانی صدر نے مزید کہا کہ ٹرمپ کا ایرانی جوہری پروگرام ختم کرنے کا دعویٰ محض ایک فریب ہے، ایرانی جوہری صلاحیتیں ہمارے سائنسدانوں کے ذہنوں میں ہیں، تنصیبات میں نہیں۔
مسعود پزشکیان نے بتایا کہ قطر کے العدید اڈے پر کیے گئے حملے قطر یا اس کے عوام پر حملہ نہیں تھے اور حملوں کے دن قطر کے امیر شیخ تمیم بن حمد آل ثانی کو فون کر کے اپنی پوزیشن واضح کی تھی کہ ’قطر میں امریکی اڈے پر حملہ کیا، جس نے ہمارے ملک پر بمباری کی۔‘
