فرمان الہی
نماز کے اوقات
ایشین کرکٹ کونسل (اے سی سی) کے صدر محسن نقوی نے کہا ہے کہ بھارتی کرکٹ بورڈ سے بات چیت جاری ہے جلد سب کچھ حل ہو جائے گا۔
ایشین کرکٹ کونسل کا سالانہ اجلاس صدر محسن نقوی کی زیر صدارت ڈھاکا میں ہوا، محسن نقوی نے اجلاس کے شرکاء کا شکریہ ادا کیا۔
اس موقع پر گفتگو کرتے ہوئے محسن نقوی نے کہا کہ بنگلادیش کرکٹ بورڈ (بی سی بی) کی میزبانی کا شکریہ ادا کرتا ہوں۔
انہوں نے یہ بھی کہا کہ ہم نے فیصلہ کیا ہے کہ کرکٹ کے لیے کام کرنا ہے، اے سی سی کے اجلاس میں تمام 25 ارکان نے شرکت کی سب کا شکریہ ادا کرتا ہوں۔
ان کا کہنا تھا کہ ہمارے یہاں دو دن بڑے یادگار ہیں۔
محسن نقوی نے کہا کہ کوئی بھی سیاست نہیں چاہتا، بڑے اچھے ماحول میں میٹنگ ہوئی، ایشیاء کپ سے متعلق جلد فیصلہ ہو گا، ایشیاء کپ کا جلد اعلان ہوگا۔
محسن نقوی کا کہنا تھا کہ یہ ٹیم ورک ہے ہم ایسی میٹنگز جاری رکھیں گے، کچھ لوگ ڈھاکا نہیں آ سکے، ایسا ہوتا ہے، میں بھی سنگاپور نہیں جا سکا تھا، شیڈول کی وجہ سے ایسا چلتا ہے، بڑی بات یہ ہے کہ تمام ممبران آئے۔
ان کا یہ بھی کہنا تھا کہ ابھی اعلان کا انتظار کریں، بنگلادیش بورڈ کے ساتھ بھی مختلف معاملات پر بات جاری ہے۔
