فرمان الہی
نماز کے اوقات
پاکستان کرکٹ ٹیم کے سابق کپتان اور لیجنڈری بیٹسمین جاوید میانداد کا کہنا ہے کہ سعودی عرب میں کرکٹ کا مستقبل روشن ہے، یہاں نئےکھلاڑیوں کو چاہیے کہ وہ پروفیشنل کوچز سے ٹریننگ حاصل کریں۔
جبیل میں منعقدہ تقریب میں عہد ساز بیٹسمین جاوید میانداد نے کہا کہ ہر کھلاڑی گراؤنڈ میں محنت اور لگن کے ساتھ اعتماد سے پر فارمنس دکھائے تو نتیجہ کامیابی کی صورت میں نکلتا ہے۔
ماسٹر بیٹسمین نے کہا کہ انہیں یہ دیکھ کر خوشی ہو رہی ہے کہ سعودی عرب میں کرکٹ کا کھیل بڑی تیزی سے مقبول ہو رہا ہے۔
تقریب میں اسپورٹس کمیونٹی کے صدر معاذ منیر نے جاوید میانداد کی آمد کا شکریہ ادا کیا۔
بعد ازاں جاوید میانداد نے الخوبر میں ای پی سی اے 100 بالز فلڈ لائٹ ٹورنامنٹ کی افتتاحی تقریب میں بطور مہمان خصوصی شرکت کی۔
