فرمان الہی
نماز کے اوقات
بانیٔ تحریکِ انصاف (پی ٹی آئی) کے بیٹے قاسم اور سلیمان امریکا کے دورے کے بعد واپس لندن پہنچ گئے۔ بانی پی ٹی آئی کے بیٹے والد کی رہائی کا معاملہ اٹھانے امریکا گئے تھے۔
ذرائع کا بتانا ہے کہ بانی پی ٹی آئی کے بیٹوں قاسم اور سلیمان کو ٹرمپ انتظامیہ سے ملاقات کا وقت نہ مل سکا۔
ذرائع کے مطابق اپنے دورے کے دوران بانی پی ٹی آئی کے بیٹوں کا کسی اہم امریکی میڈیا پلیٹ فارم سے انٹرویو کا اہتمام بھی نہ ہوسکا۔
واضح رہے کہ قاسم اور سلیمان نے امریکا میں متعدد کانگریس اراکین سے ملاقاتیں کی تھیں۔
انہوں نے کانگریس مین بریڈ شرمین، کیلی فورنیا سے مائیک لیون، ہاؤس فارن افئیرز اکیڈمی کے ریکنگ رکن گریگوری میکس، جم کوسٹا، ٹیڈ لیو، بلی سن اور ہوریسن سے ملاقاتیں کیں۔
دوسری جانب بانی پی ٹی آئی نے اپنے بچوں کو پاکستان آنے سے روک دیا ہے۔ انہوں نے اپنے بچوں قاسم اور سلیمان کو ہدایت کی ہے کہ پاکستان نہ آئیں۔
مبینہ طور پر بانیٔ پی ٹی آئی کے دونوں بیٹے اپنے والد کی رہائی کی تحریک چلانے کے لیے پاکستان آنا چاہتے تھے۔
