فرمان الہی
نماز کے اوقات
مستونگ میں پسند کی شادی کرنے والے میاں بیوی کو سات سال بعد قتل کردیا گیا۔
مقتول کے بھائی کی مدعیت میں مقتولہ کے 5 بھائیوں کے خلاف قتل کا مقدمہ درج کر لیا گیا۔
مقتول کے بھائی کا کہنا ہے کہ مقتولین کے 6 اور 3 سال کے 2 بچے بھی تھے اور قتل کے وقت اس کی بھابھی حاملہ تھی۔
لیویز حکام کے مطابق مقتولین کی عمریں 27 سے 28 سال کے درمیان تھیں، پنجگور کے محمد شعیب نے 7 سال قبل کورٹ میرج کی تھی، کچھ عرصہ قبل شعیب کا سسرال سے راضی نامہ ہو گیا تھا۔
حکام نے بتایا کہ مقتولہ کے بھائیوں نے میاں بیوی کو دعوت کے بہانے کوئٹہ بلایا تھا، شعیب اہلیہ اور بھائی کے ساتھ پنجگور سے کوئٹہ کے لیے روانہ ہوا تھا، شعیب اور اہلیہ رات لکپاس کے قریب ہوٹل میں ٹھہرے تھے۔
لیویز حکام نے بتایا کہ گزشتہ روز مقتولہ کے بھائی ٹیلی فون کر کے وہاں پہنچ گئے، مقتولہ کے بھائی دونوں میاں بیوی کو قتل کر کے فرار ہو گئے، ملزمان کی گرفتاری کے لیے چھاپے مارے جا رہے ہیں۔
